Denis Courtiade

Alain Ducasseren jangela-burua Plaza Athénée jatetxean

Denis Courtiadek Frantziako jatetxe-zuzendarien belaunaldi berria irudikatzen du. Eredua ematean, entzuketan, komunikazioan eta konpromisoan oinarritutako filosofia erabiltzen du pertsonak kudeatzeko.

Denisen esanetan, bezeroak izan behar du protagonista eta, ildo horretan, zerbitzua artetzat jotzen du; izan ere, mahaikide bakoitzak paregabea dela sentitu behar du.

Stefanía Giordano

Nerua jatetxeko jangela-zuzendaria

Beti izan du sukaldaritzarekiko grina, hala familiako tradizioagatik nola beraren jakin-minagatik. Halere, inoiz ez zitzaion bururatu profesionalki horretan aritzerik. Farmazia ikasi zuen eta lanbide horretan jardun zuen sei urtez. Halere, duela lau urte Neruan lanean hasi zenetik, jatetxeko zerbitzuan aztarna uzten jakin du. Beraren enpatiaren eta bezeroen ezagutzaren ondorioz, upategi handiaren mende egon nahi ez duten pertsonei erantzunen bat eskaini behar zitzaiela konturatu zen. Horrela sortu zen 2012an alkoholik gabeko uztarketen ideia. Belarren alorrean duen ezagutza zabalei esker, infusio-karta propioa jorratu du, I+Garekin batera.

Juan Ruiz Henestrosa

Sentiberatasuna, diskrezioa eta lanarekiko grina dira Aponienteko jangela-zuzendariaren ezaugarriak.

15 pertsonako taldea zuzentzeaz gain, oso ondo ezagutzen du ardoaren mundua, eta gaur egungo sommelierrik onenetakotzat jotzen dute. Ez zaio bururatzen ardorik gabeko gastronomiarik egon daitekeenik, batez ere maila batetik gorako jatetxeetan. Izan ere, halako jatetxeetan, jaten denaz harago esperientzia oso bat saltzen dela uste du.

Dimitris "Dimi" Leivadas: Delta Lambda Hospitality

Dimitris The Fat Duck jatetxeko zuzendaritza-taldeko kide nabarmena izan da 2014ko martxora arte.

Ekina ez ezik, etengabe eboluzionatu eta hobetzeko grina ere badira ostalari handi honen ezaugarriak.

Beraren diskrezioari eta gainerakoen beharrizanak asmatzeko gaitasunari esker, munduko profesionalik onenetakotzat jotzen dute.

Gaur egun sektorearen aholkularitzan jarduten du, berorrek eratutako enpresan: Dimitris «Dimi» Leivadas.

Josep Roca

Josep Roca i Fontané (Girona, 1967) El Celler de Can Roca jatetxeko sommelierra, jangela-zuzendaria eta jabekidea ere bada, bere bi anaiekin batera. Beraren ardurapean dago bezeroei plazera sortzeko makina den El Celler jatetxearen errealitatea azaltzea, eta ikuspegi sistematika hori barneratuta dauka. Berorrek hitz egiten du edariez eta jakiez, eta berorrek irudikatu eta hobetzen ditu: hitzaren ahalmena, ezkutuko balioak komunikatzeko magia.

Inma Puigekin batera idatzi du «Tras las viñas. Un viaje al alma de los vinos» (Mahastien atzean. Bidaia ardoen arimara) liburua. 

Inma Puig

Psikologo klinikoa da, Bartzelonako Unibertsitateko lizentziaduna. Pertsona eta Antolamendu Sailaren laguntzaile akademikoa da (1994-2016), bai eta bi irakasgaien irakaslea ere: Talde-dinamika eta Pertsonen portaeraren azterketa.  Errendimendu handiko taldeak prestatzen, ikertzen eta garatzen aditua, Inma Puigek 30 urte baino gehiago daramatza hainbat enpresarentzat antolamendu-aholkularitzako lanak egiten. Gainera, Kiroleko giza harremanen arduraduna da nazioarteko ospea duten kirol-erakundeetan.

Josep Rocarekin batera idatzi du «Tras las viñas. Un viaje al alma de los vinos» (Mahastien atzean. Bidaia ardoen arimara) liburua. 

Xavier Torrents

Innova Projectes/Gastronomía & Food Service sozietatearen bazkide sortzailea

Food Serviceko berrikuntza ez da mugatzen establezimendu baten kontsumitzeak dakarren gertaera fisiko hutsera; horretaz gain, gertaera hori esperientziaren eremura altxatzea ere bada.

Kontsumitzaileak behatuz eta aztertuz, beraien portaerari, mugimenduei… erreparatuz, zer baloratzen duten ikusiz, galdera ugari egin behar dizkiogu geure buruari. Izan ere, galdera horiei egoki erantzunez gero, bereizi eta ospea eskuratuko dugu, eta produktuak paregabeko bizipen bihurtuko ditugu.

Diego Gronda

Diego Gronda nazioarteko diseinatzailea da eta 20 urtetik gorako lidergoari eutsi dio arkitekturan eta barne-diseinuan. Karreran zehar, Diegok hoteletako operadorerik ospetsuenetako batzuekin batera jardun du. Izen batzuk aipatzearren, hona hemen Virgin Hotels, Nobu Hospitality, Taj Hotels Resorts and Palaces, Ritz-Carlton Hotel Company, Starwood Hotels & Resorts Worldwide, InterContinental Hotels, Hyatt Hotels eta Mandarin Oriental.

«Gure ikuspegian jorratzen dugun orekari esker, espazio eder eta berritzaileak sortzeaz gain, eremu praktiko, intuitibo eta xarmangarriak ere lortzen ditugu, eta hori arrakasta-bermea da gure bezeroentzat». – Diego Gronda

Ana Roquero

COOKPLAY sukaldeko tresneriaren markako Design Zuzendaria.

Ana Roquero industria-diseinatzailea da. Londresen (ohorezko matrikula Kingston Universityn) eta EHUn (Arte Ederretako lizentziaduna) burutu ditu ikasketak.

Nazioko punta-puntako marketan (Roca, Abengoa, Indra, Fagor, Azkoyen, BH...) produktua sortzeko eta garatzeko proiektuak egiten 23 urte eman ondoren, 2014an sukaldeko tresneriako marka propioa (COOKPLAY) sortu zuen. Enpresa horren bidez egindako lehen bildumek sari ugari jaso dituzte nazioarteko diseinu-lehiaketetan. Bi urte eskasetan, COOKPLAY nazioarteko sukaldeko tresneriaren sektoreko enpresarik berritzaileenetako bat bihurtu da.

Diego Coquillat

Diego Coquillat irakaslea da zenbait unibertsitatetan, eta DiegoCoquillat.com egunkari digitalaren zuzendaria; egunkari horren helburua da sukaldaritzaren sektoreko profesionalei industria horretan gertatzen ari den eraldaketa digitalaren prozesuari buruzko informazioa ematea. 10Restaurantes.es webguneko CEO da, talde handientzako eta gertaera berezietarako jatetxeen webguneen artean liderra Espainian. 

Jatetxeak eta jatetxeen kudeaketak dakarren guztia dira bere pasioa. Horri gehitu behar zaio profesionalki jakin-min handiena sortzen dion elementua, teknologia. Jatetxeen industrian gaur egun gertatzen ari den eraldaketa digitalaren prozesuaren ikertzailetzat jotzen dute. Bere azkeneko liburua da “Una Nueva Era en los Restaurantes” (Aro berria jatetxeetan).

José Piñero

Jose Piñerok 25 urte daramatza bere lantegiarekin; hasieran, horma-margoz apaintzen zituen espazioak. Negozioa aldatuz joan zen, “El Taller de Piñero” bihurtu zen arte; enpresa hori liderra da lokal tematikoak dekoratzen eta ideiak fabrikatzen. 2014. urteaz geroztik, nazioarteko chef onenekin batera, sektorera iraultza ekarri duten baxera esperimentalak sortzen ditu.

“El Taller de Piñero” enpresak Actualidad Economica aldizkariaren Berrikuntzaren Saria jaso zuen, eta Espainiako etorkizuneko 50 enpresetako bat jo zuen Emprendedores aldizkariak.

Jose Manuel Fernández

Arkitektoa eta barne-diseinatzailea da, eta Bartzelonan bizi da. Nafarroako Unibertsitateko Arkitektura eskolan, Iruñean, egin zituen Arkitektura ikasketak. Barne-diseinuari buruzko masterra 2004an, Instituto Europeodi Design institutuan.

Lagranja Design estudioan lan egiten du, barne-diseinu eta arkitektura saileko arduradun. 2012. urteaz geroztik, estudio horrek Txinan, Turkian eta Singapurren egin dituen proiektuak zuzendu ditu.

Gaur egun, Barne-diseinu Garaikideen CSP eta Dekorazio eta Barne-estilismoen CSP programen koordinatzailea da Istituto Europeo di Design institutuan, eta Artidi eskolako Barne-diseinu Komertzialeko eta Marchandising Bisualeko ikastaroaren koordinatzailea.

Nicolás Alcala

20 urte besterik ez zituela ekin zion bere ibilbideari; 200 laguneko lantaldea kudeatu zuen, proiektu eder bat egiteko: Cosmonauta. Espainiako lehendabiziko Crowdjunding proiektua izan zen, eta arrakasta itzela eta diru-bilketa handia lortu zuen.

Gaur egun, bere bigarren enpresa zuzentzen du Los Angeles eta Espainia artean, Future Lighthouse; Errealitate Birtualean oinarritutako azterketak egiten dituzte, etorkizunaren narratiba asmatzen dute, garaikidea den horrekiko mugan dauden mundu berriak azaleratzen dituzte.

Gustuko du Nowmad kontzeptua. Minimalismoa eta soiltasuna. Gauzen, prozesuen eta pertsonen edertasuna. Izugarri gustatzen zaio arazoak konpontzea.

John Schafer

Hiru Michelin izar dituen Chicagoko Alinea jatetxeko zuzendaria eta Jantokiko burua da.

Bere jatetxean sartzen diren bezeroek lehendabiziko unetik esperientzia “dibertigarria eta atsegingarria” bizitzea du helburu; adjektibo horiek dira Alinea jatetxeko lantaldeak helburutzat jartzen dituenak, beren bezeroen esperientziari dagokionez. Horretarako, esperientzia horrekin lotutako jatetxearen edozein alderdi jartzen dute zalantzan.

Webgunean diotenez, Alinea ez da jatetxe bat; ez, behintzat, ohiko zentzuan. Jatetxe bat zer izatera irits daitekeen elkar birpentsatzera animatzen dute, bai eta beren bezeroak ere.

Joserra Calvo

Mugaritzeko jangela-arduraduna da.

Komunikatzaile bikaina izanik ere, apaltasuna eta jardunbide ona ditu ezaugarri.

Berak dienez, “protokolo klasikoak eredu zaharkituak betetzera behartzen gaitu, eta hori askotan gogaikarria da mahai-lagunentzat”.

Jangela antzerki-lan batekin alderatzen du… eta jangelako zuzendaria baino areago, esperientzia-koreografoa ematen du.